جمل متغرب
لوحده متعذب
والدنيا جات عليه
خايف يبكي
وخايف يشكي
والدموع فضحت عنيه
همومه زادت
وناره قادت
وحظوظه خابت
ومحدش حاسس بيه
متقيد في سريره
وغرقان في بحر ويله
مش لاقي اللي يشيله
والحظر كلبش رجليه
عمال يصرخ جواه
كاتم الصرخه والاه
كلمه واحده على شفتاه
في صلاته بيقولها رباه
اللي احنا فيه آخرته ايه
دنيا جات علينا
ومحدش حاسس بينا
م ولادنا ولا والدينا
ولا مسؤول ولا بيه
متغربين عشانكم
نجيب عشاكم وفطاركم
ونشيل على كتافنا بلدانكم
وفي المحن نسيتونا ليه
من اللي جرالي
هزيت تاني غربالي
واشوف مين حباني
والكل طلع عزالي
وغربالي محدش قعد فيه
شاعر العاميه
ادهم حازم السمهودي