مروى بميا عرق الغالي
ويا شمس بتسلم على جبينه
من جمال فعله بأرضه
وإدين للسما تحمد وتشكر
على نعمة حب أوطاني
ودعوة للسما مرفوعة
بعيون تلمع لألئ
نور رباني لكل حافظ ليها
وبجري وسط الصحراء ينميها
دا شداد اللى عدى والجاى
غرس فى الأرض زرعه
للنهاردة وبكرة جذوره أوتاد
بفروع ترقص ساعة العصاري
على نسمة جاية تحكى عن بلادي
تاريخ ولاد وبنات زينة تشد وجداني
تنادي الفروع على كل معدي
حاسب دا إنت فى أرضي
إن كنت ليها مادد الأيادي
تسلم وليك طرح مش عادي
وإن كنت ليها غادر
زى شرور عدت علينا
هاتنفضك الأرض من عليها
بكل مافيها من شهيد عايش بنا
وأرض إصطفها ربك ليه
كنانه بكل كتب نزلت علينا
مقبرة لشر إفتكر إنه هايقدر عليها
وشوف ولاد خيرة الدنيا
فى عمل وجهاز زى ماقال رسولنا( ص)
دا زرع طرحه يتغني فيه
ومواويل ونشيد ليه
عمره ماإستني إيه هايديه
ولا مستنى شكر من حد حواليه
بشكر ربه على نعمة حب وطنه
ودين الله عمره ماساب عنيه
دا الفلاح أبوجلبية فصيح الكلمة والأغنية
قدم خيرة ولاده لحفظ بلاده
إن راح واحد.فى غيره ميه
ياناس يللى محتارين فينا
والله مش بإدينا عشق أراضينا
لما تنادي تجرى الروح قبل جسد لينا
تفدي وتصد كل اللى يعادينا
دا حب الله وضعه فينا
وزرع فينا من أب وجد قوي بحبه ليها
عقيدة فطرة من رحم أمنا
دين نجاة لكل شدة علينا
أرض عرض وأهل جوا عنينا
وتحيا بلادي بكفاح عزيزنا
وشعب تحت راية بنادي
الله أكبر الله أكبر الله أكبر
على كل الأعادى نجاتى
...........من وبقلمي حسام غنيم