انا وقلبي عايشين في نار من كُتر ماخلقنالك أعذار
واقول مش هو ده اللي حبيته ياقلبي ده حد تاني غدار
وأحتار انا وقلبي ويا حبيب كان لينا كل الأحباب
كان كله حب وحنيه واتغير معايا من غير اسباب
عيشني في جنة حبه يادوب أيام والحب رآح و غاب
ايه اللي غيرك حبيبي وإيه اللي خلاك معايا كده
ومين علم قلبك اللي كان طيب القسيه بالشكل ده
غدار ياقلبي ومن غير اسباب اللي حبيناه غدر بينا
وشمت فينا العُزال بعد ماكانوا علي حبنا بيحسدونا
وانت ياقلبي رغم قسوته لسه بتديني الأمل وتقولي
كل دي اوهام و بكره حبيبي تاني هيرجعلي
ما انت شايف ياقلبي عمايله وجرحه فينا
ولسه بتقول بنحبه وحبه لسه غالي علينا
فاكرُه لسه حبيب وجاي ياقلبي علشانه عليا
ازاي يبقي حبيبي وهو ناسيني ومش حاسس بيا
غدار وغدرك مأثر فيا حبيبي ياهل تري ايه اللي جرالك
ولإمته هفضل متحمله عذابي ووحدتي وانا في دارك
عماله بداري عذابي ع اللي بعتهم زمان علشانك
ياما كانوا بيتمنوا نظره مني وطالبين رضايا
لما كنت زمان انت كمان بتتمني هوايا وياما حفيت ورايا
ايه اللي حصلك حبيبي وراح فين هواك وحبك
مداريه جواك ولا هِناك حب تاني وشغل قلبك
ولإمته هفضل متحمله عذابي علشان حبايبي منك
وانت قسوتك بتزيد عليا وعليهم وكل يوم يبكينا جرحك
عارف حبيبي كُتر جرحك ليا عمل ايه فيا
سرق مني زهرة شبابي وموت احلي حاجه فيا
كنت طول عمري معاك نسمه وباتمني رضاك
وطول عمري باتمنالك الهنا وانت بتزيد في قساك
حتي ذكريات اول ايامنا كل ليله بتسرق من عيني النوم
وافتكر لما دوقت معاك الهنا يادوب كام يوم
وياما اتحملت من اللآيمين علشانك كتير لوم
وانت بتسقيني كاس العذاب والضنا بقالك سنين
صعبان عليا انا وقلبي منك ولإمته للعذاب هنفضل متحملين
الله يعوض عليا حياتي اللي كنت بنيالها في خيالي كتير أمآل
حاولت كتير اعيشها معاك لكن يخساره كلها طلعت يادوب خيال
كنت دايما بتكسرلي قلبي لما بالحب كنت اناديك
يامعيشني في همومي ومبكيني ولسه يخساره قلبي شاريك
خواطر ( اشرف الدغيدي)
حقوق الملكية محفوظه