لأنك ياامام طيب
وزى الغيث هطول صيب
ينادوا عليك تقول طيب
تجيب الله
يحب الحق وصحابه
يصون السنة وكتابه
ويهدى اللى فى رحابه
يقول الحق
وينسى الخلق
ونور الله على جبينه
بكل جلاله بيزينه
جميل ازهر ربنا يعينه
احمد والسلام دينه
بيعطى حياة
وشط نجاه
لخلق الله
بدنيا الله
لاتعرف حقد ولاغيرة
مليح الطلة والسيرة
تمد ايديك
ونجرى عليك
نبوس ايدك وندعيلك
ياطيب ربنا يصونك
لئيم اللى بيخونك
سفيه اللى بيهينك
مسامح والسماح دينك
تصالح والتقى ف عينك
وظل المدنة يتمدد
يجمعنا مايتردد
بلحن بلالها بنردد
نداء الله
ونحى صلاه
وباسم الله
نكمل والمسير وياه
بطاعة الله
اصلك ياامام طيب
واسمك ياامام طيب
وذكرك فى الانام طيب
تخاف الله ...
عمر الريح مابتهزك
وضامن بالكتاب عزك
بحول الله
لانك ياامام طيب
ينادوا عليك تقول طيب
بترضى الله
تحلق فوق
وكلك زووء
وبكرة الغتمة تتبدد
وبكرة تروق
د احمد عبدالرحمن