*************
واصل الحكاية حكاية حياة
زهقنا يا صبر وطن مين معاه
وتوهه وحصره الم بعد اه
يا شايل هموم الجبال فوق كتافك
يا صابر على المر والكل عافك
ياضايع وسايب كلامك يضيع
ياراضى على الذل اوعاك تبيع
وصيه عشانك ياولدى الصغير
عشان لما تكبر اكيد راح تغير
وتزرع ف ارضك تقاوى الحياه
تعيش باقى عمرك ف ذكر الاله
وتجنى شجرها ويطرح خضار
وتفرح معاها وتضرب عيار
وتهتف بصوتك ف وسط الجموع
ونسمع هتافك ف كل الربوع
كتير راح يقولك شبع بعد جوع
عشان دول عشتهم وراها خضوع
تخدشى ف بالك كلام العبيد
كلام اللى هما هبوب فوق وقيد
يا صابر على المر بكرها تحلى
ولو حتى كانت سنينا دى كحلى
هتفرح وتملى سنينك جمال
وترسم طريقها لكل العيال
وتكتب حكايه بتاريخها الجديد
يشوفها عداها
ويبعد بعيد
****************
عمرو تمساح ابوسفيان