( قلبي مغلق للصيانة)
قلبي مغلق للصيانة
واحتمال يغلق للنهاية
من عمايل قرايب
كنت فاكرهم حبايب
لكن فاجاءني الغدر
وفاجاءتني الخيانة
قلبي ابيض زي الحليب
من كلمتين يلين ويطيب
جيت انت لونته بالف لون
وبدل المحبة والسماحة
علمته العتاب واللوم
قلبي اغلقته للصيانة والراحة
من عمايل اسية وجراحة
اعمل ايه ؟
اغير قلبي !
ولا اغير حبايبي !
قلولي فين الراحة ؟
خلاص مش هحب تاني
وقلبي هعمله ميديلية
اعلقه في صباعي
ومستحيل حد يعلقه
مني تاني
وهدورله علي قطع غيار
ان شا الله في الصين او اليابان
وعلي الله يقدر يحب تاني
اغلقت قلبي
ومحدش يسالني ليه
الجرح من حبايبي
وممنوع الكلام فيه
اشكي من مين ؟
من اقرب الناس ليا
واشكي لمين ؟
وهما كانوا ستر وغطا ليا
ليه يا زمن كل العمايل ديا !
احمد شكري