ماعدناش عاوزين اعياد
ولاشم النسيم ولامناسبات تنعاد
كل مناسبه والتانيه لينا بالمرصاد
وبيتخفوا في راحتنا وكل شيء ينعاد
ولا فارق معاهم مدني ولا خير الاجناد
كل يوم في عيد وعيدنا كل يوم ينعاد
عملنا زفه فالوطن زفة الاستشهاد
فيها زغاريد وضرب نار واشعار تنعاد
نزف العريس وفرح العريس زمر مش حداد
واللي عنده عريس يجهزه ببدلة الظباط
وتحيه وتمام التمام وهلوا علينا بالاعياد
دخلواالمساجد والمعابد والكنايس معتاد
في رحلة صفا وحالة ورع جبان يصطاد
من الخلف يطعن كلب في الاسياد
لانبيه محمد ولاموسي ولا عيسي ده اضطهاد
عبد الجنيه لادين ولا فكر ده اللحاد
كافر انا باسميه وقلبه قلبه جماد
بالفلوس يقتل ابنه قلبه ميت يكاد
نايم خايف خاين ايده علي الزناد وقولوا يرحم الشهيد علي راس الاشهاد
وابوالشهيد بدمعه يضحك ابني عاد
وام الشهيد الله يسامحك خدت الوداد
واخته تقول لعرسه كانوا بيجهزوا الاولاد
واخوه يقف يصرخ اخويا حي ورب الارزاق
ودي زفته والحور مستنياه بكامل الاشواق
كنت لسه مودعه من ساعات
شايله شنطته فيها الحاحات
فرحان بيغني ماعرفشي السوكات
ويسلم علي الناس ويضحك ويرمي النكات
واحلم ابقي زيه امتي تعدي الساعات
ده يسلم ويبوس ترجع بالسلامه وبثبات
قبل ميعاده بشويه بص بعينيه في عنيه
وحط علي كتفي ايديه وفضل يحفظ فيه
قالي تعالي ياخويه اوصيك
امك وابوك دول في عينيك
اقوله يااخويه روح
يقولي اسمع وفتح عينيك
خدني في حضنك ضمني ليك
ولاختك العروسه
ميت بوسه
فتح عنيك
مصر المحروسه
بينا محروسه
الله يخليك
الدين والوطن
مالهمشي تمن
مين يئويك
والارض والعرض اسمع تاني مش ح اوصيك
الكلام ده بينا امي ماتعرفشي ايه باوصبك
ولا ابويه يقرا ايه مخبيه عنيك
اخويه بدلتك خليتها اصلي حاسس بيك
قبل ماييجي السن انا عارف الجهاد
وافرح كل ام بتأن راح ليها ولاد
اوعدك ولاكلمه اقولهاولاافتن عليك
ولما رجعت علي البيت
ابويه ايده علي خده
وامك تقول ربيت
اخوك ياهناه وياسعده
عرفوا يااخويا بايه وصيت
عشان وصيتك اتوضيت صليت
طولت في صلاتي وتاني نويت
قالتلي وانا باركع انت ليه خبيت فهماك من يوم مابترضع انا ربيت
وهبتك سند ليه لو يرجع انا شكيت بقلمي/
عاشق طين بلدي