يلفح طيفك بلون ضباب السما
يرجع جريح .. ضريح
علشان بيكتب
مواجع حقيقه بتنطوي
***
لحظة سراب .. بضمني
أنا مين ؟ .. وفين ؟
جاوب يا ليل !
يا اللى كتبتني
إنسان عليل / ضرير
ولا يمكن يكتب غير اللى إف جوفه
واللي بيه بينكوي
عجيب قوي
***
ياللي بتكتب آهاتك
وف لحظة تانيه بتنطوي
وتضمني .. لحظة سراب
أنا مين ؟ .. وفين ؟
عليل ضرير
ومش شابف غير ضباب
بيطويني يخش بيه
حواري بيبانها مقفله
وأنا بحلم بلحظة هنا
هنا يرجع ضريح
في لحظة غياب
تملي البنادق ناس
ترشني / تهزني / تعدمني وانا
لسه في أول طريق الآه
يتعبي جوفي بالآلم .. يكتب قلم
أشعار ولد تايه جوه الضريح
صريح انا
لما أقول الآه
وأكتب الأحلام أمل .. أكتب الأحزان ألم
واطوي الحقيقه مواجع
وعجن همومي في ماجور
تطلع بعد الخميره ..
حبة مشاعر .. يجوز إني شاعر .. لكن بخبي حاجات
مكتبتهاش لسه
لسه جوه الضريح إنسان
لسه الضريح
مليان ......
وبيهزني .