حاول تنسى الفيضان
فيضان الأنا على ذاتك
ذاتك اتخلقت من الرحمان
وربنا كرمها بالعقل
وزينها بالإيمان
واداك صلاحيات كامله
قدمين لشق طريقك
وأدين شغاله وعامله
وعقل مفيش زيه
صحيح مفيش إنسان
أحواله كلها كامله
لكن ممكن تدعي بضمير
تدعي ملك الإنس
وملك الجان
ومالك كل الأكوان
لو انت ناوي الاستحسان
إنه يهديلك نفسك
وتخاف من اللي خلقك
وتعمل المطلوب الصح
ف.الوقت الصح
قبل مايجري زمانك منك
وانت مش واخد بالك
إن التغيير المطلوب دلوقتي
واللي ممكن النهارده
ياعالم بكره
هيفضل برضه ممكن ...؟
أسامه عبد القادر أحمد