ماسك فى أيديه الصاجات
ليه صوته غناه غوانا
وسبقناه فى الخطوات
وغيرنا اصول الزمن
وكل حلو فينا...مات
والحنيه اتبدلت قسوه
والوعود ضاعت فى نسوه
والجحود ارقي الصفات
والذنوب فى الطعم حلوه
وكرهنا نكسب الحسنات
حتى الكلمه الحلوه
مسك حروفها السكات
والحياء وجبر الخواطر
كانت فى زمن فات
والعشره ع القلب هانت
اتنسى العمر فى لحظات
والانانيه صارت مخاطر
بتشوه الغير بالعاهات
كرهنا الالوان الورديه
رفعنا للداكنه رايات
والسماح اتشوه فى الملامح
وحياتنا أصبحت خناقات
ليه وليه الف سؤال
محتاجين جوانا اجابات
والاجابه فى كلمتين
الحب أصبح ممنوعات
**********//**////***
وحيد احمد