[ زاهر عبدالحميدالديب ]
(رسالة أم إلي ابنها)
رؤية :زاهر عبدالحميدالديب
وحشتني يامحمد يانورالعين
عامل أيه في غربة السنين؟؟
الكروونا في بلاد الأوربيين
إياك تضحك عليك يامحمدين
الكروونا مالها أصل ولادين
حاجة غريبة جت منين؟
قالوا :أمريكا قالوا:الصين
نصدق مين ونكدب مين؟؟
سلاح جديد يجربه الملاعين
مافكروا في العواقب لحظتين
انتشر شرهم شمال ويمين
خايفة أموت يامحمدين
أنت بعيد وأخواتك صغيرين
أبوك صايم ساكت حزين
كنت تساعده في زراعة القراطين
وعشنا حامدين راضيين
لكن فهيم بن عوضين
فتح لك سكة الملايين
جهزت للسفر في يومين
ومعاك مينا ولد عمك حنين
خالتك تريزة دمعها علي الخدين
تدعي لمينا ولك ترجعوا سالمين
من صغركم مع بعض متربيين
نفسي أجوزك بنت عمك حسين
كل يوم يتقدم لها ناس راغبين
جميلة ومؤدبة متمسكة بالدين
عندنا حظر تجول من أسبوعين
الجوامع والكنايس مقفولين
ممنوع الصلاة جمعتين
المدارس المصانع والدكاكين
هي الكروونا بنت مين؟
كله منها بنت المجرمين
والله ربك المعين
أحسن ناس المصريين
في الشدائد مجمعين
علي مرالتاريخ معروفين
هزمنا التتار والمغول صليبيين
إن شاء علي كروونا منصورين
ارجع يانور العين
ازرع لنا القراطين
كفاية غربة السنين.
بقلم :زاهر عبدالحميدالديب.
________________________