بعد شوية غياب
القلب فيهم كان مشتاق
فاتت ايام وشهور عذاب
ارسم فيهم ملامحك وقت اللقا
خطيتك سما بتحضن في نجوم
متفرقه
اتاري فرشتي رسمتلي وهم وسراب
قرب خلاص بينا الميعاد
لبست شوقي طويت البلاد
عديت علي ايام وليالي الهجر
سبقك ليك حضن الغدر
بس ماحستش طعناتك
اتلهيت كالعاده بنظراتك
وابتسامه اتلونت بيها الحيطان
وكان وراها الشوق ساخر كداب
لعنيكي مش هاوجه سهام العتاب
اللوم كان عالقلب الخفيف
اللي خلاص في المزاد انباع
ماجبش تمن غير الاوجاع
كان شاري وعملته اخلاصه
الحب خطوته وارتدي الود لباسه
واخده الحنين لوشوش كما السرداب
في جبينها الانوار طاله
تدخلها تجني بس العتمه والضلمه
وتم الاتفاق وصدرت عليه الاحكام
اتنست ليه العشرة
واتنصبت خلاص المقصله للاعدام
ومن غير نقض ولا معارضه
اتحدف هواه واتغطي بالتراب
وكانت جريمته
اشتياقه في حلمه
للقا بعد غياب