.....................
غمضت عيني
وشوفت حلم
إني مت ....
وإبني واقف على الكفن
يشيل يحط ..
بين دمع عينه
إترسم حسره فراق
من حضن بابا إتحرم
داب مره داق
فوقني صوت عذب الكلام
قرآن كريم
من عند جاري إشتغل
لروحي سبيل ..
لحظات حياتي شوفتها
فرح وألم ...
ومين ظلمني في دنيتي
وبأيدي إتظلم ..
شايف وشوش إتغيرت
يمكن لموتي إتأثرت
ولا لنصيبها شمرت
صبرت سنين ..
جايين قرايبي يعيطوا
وناس تقول ما توحدوا
أدعوله دعوة تكون سند
لا مال ولا عزوه وولد
غير عمله بس هيتوجد
ربك كريم ...
نزلت دموعي في غفلتي
حسيت تفاهه دنيتي
وخداني فين ...
يا إما بر وفيه امان
يا إما أعدي والسلام
يا إما سايقيني بلجام
على جمر نار ..
صحاني صوت رمضان كريم
إصحى يا بابا روحت فين
وقت الأذان ...
إبني مسح لي دمعتي
بحضن ليه فيه
من فرحتي ..
ولا عشان جات فرصتي
وشوفت زادي لأخرتي
فاضي العيار ...
ندمان وحسيت غلطتي
طول عمري واخد دنيتي
بس إختيار ..
والحمد لله ردني
لطريق الصواب ..
رجعت لي روحي لأجتهد
ليوم الحساب ..
بقلم صبري رسلان