كلنا رايحين مكان
ساكنه فيه كل الأماكن
اللي كانت لونها داكن
بالمحبة و السلام
فتحت صبحت ورود
***
ساكنه كل جدار بصوت
رافضة فيه معني الصموت
من سكات الليل يمر
من سكات الليل يفوت
النهار و الصبح أقوى
م الهبوط... و التدني
***
رغم عني سألت نفسي:
هي مالها الدنيا (ملهى)
مش بنيجي يوم ف بالها
طب يا دنيا فرحيني
اقنعيني إني عايشه
و انت ليا
طمنيني:
مش هتجي ف يوم عليا
***
هو ده طبعك و حالك
طب و ماله في كل حالة
جرحك انت مش ازاله
شال جدوره من عروقها
شال طموحه من فروقها
حبه فوق والباقي تحت
واللي بينهم دول في يخت
طاف ودار بيهم ولف
ع الوشوش اداها كف
***
هو ده طبع اللي عايز
يمتلك كل الجوايز
يبقي هو بس فايز
مش غريزة ف قلبه هي
ينسي كل الدنيا ديا
ياللي أخلصت النوايا
عيش معايا بحسن نية
***
عيش حياتك
يوم بيوم
زيح عن القلب الهموم
استعيد كل اللي فاتك
حط خطة
وخطي خطوة
نحو ربك
هو قادر يمحي كربك
قول يااارب
وعيش عليها
تلقي كل السعد فيها
تلقي كل السعد فيها.
بقلم //دينا عثمان
🌹🌹🌷🌷🌷🌸