(ليه خلتني احبك)شعر غنائي بقلم الشاعر/محمد البريمي

شعر غنائى ..
((( ليه خلتنى أحبك )))
ليه خلتنى  أحبك ..  و  إنت ناوى ع الخداع ..

ونا من طبيعتى  بأصدق .. أى كلام ليك يتذاع ..

 كانت روحى دايبه ف هواك  .. مش  حاسه بغدرك و أساك ..

إزاى هتقدر يوم تنساك .. و العمر أصبح ف الضياع ..

        ليه خلتنى  أحبك ..

عملتلى البحر طحينه .. و  رسمتلى الدنيا جميله .. 

شوقتنى للجنه معاك .. ولا ألف ليله و ليله ..

خدعتنى بسحر كلامك .. و خلتنى أعشق أيامك ..

لما مشيت ورى أحلامك .. تكدب و تعمل ميت  حيله .. 

         ليه خلتنى  أحبك ..

غلطان لو أعتب عليك .. و إنت خساره فيك العتاب .. 

خدت إيه من سحر عنيك .. لما شوق القلب داب ..

كل ساعه و التانيه خصام .. و عيونى تسهر  م تنام ..

لو نادينا م ترد السلام  ..  كأننا عن بعض أغراب ..

          ليه خلتنى  أحبك ..

بقلم الشاعر ..
محمد البريمى ..