.
كُنت ناوىِ ابدأ حياتىِ
بعد مَ اطلع ع المَعاش
كُنت فاكر عُمرىِ أتىِ
وقولت لسة ما ابتداش
كُنت ناوىِ أفضىِ نَفْسىِ
للعِبادة إن شالله ساعة
كُنت ناوىِ أشم نَفَسىِ
جوة فرض صلاة جماعة
كُنت بهرب م الجَوامع
ولآذان الفَجر سامع
كُنت سايب فرض ربىِ
والشِّيطان بقىَ فىَّ طامع
فجأة شوفت جارنا مات
وهو فاتح فيس وشات
كان بيقعد بالسَّاعات
طَبْ واقع من سُكات
إنتبهت لنَفْسىِ يومها
وقولت لازم دي أمارة
الأيام لو كُنت اصومها
كات حتبقىَ لىِ كفارة
إبتديت لنَفْسىِ افوق
ونظرىِ كان باصص لفوق
فجأة حسيت بالهدوء
ودمع عينىِ عملها غارة
ولما حسيت بالهُدوء
قومت حالاً ع الوِضوء
إبتديت للراحة ادوق
من غير ما اصَلىٌ إستخارة
ليه الثَّوانىِ والدقايق
والسَّاعات بتروح ف لهو
ليه بتنسىَ وانتَ فايق
وعايش كل الدُّنيا سهو
ليه بتهمل ف الفُروض
ليه بتِخلف ف العُهود
ليه بتِسّخر م الجِدود
لما يدّوالك إشارة
قوم يا صاحبىِ يلا صَلّىِ
واتعظ م اللّىِ حَصلّىِ
ده الجَواب اللّىِ وصلّىِ
إن الإله دايماً معاك
يلا قوم بسرعة توب
يلا كفر عن ذنوب
قبل ما يجي الغروب
والشمس تطلع من هناك
من ديواني #الأراجوز
*
*
#مدحت_يوسف