.
عزف النايات جلاب وجع
والذكرى سطرين من جواب
مين فيكوا لما تاب رجع
للعشق بعد سنين غياب؟
تعشق تدوب ف تزول ذنوب
وان خدت يوم العشق توب
راح يجي يوم لازم تتوب
ولو كنت بتضرب الودع
قوم اقتل النفس العصية
جوة أفكار كات غبية
لو قلبك كان حب الصبية
حتلقاه بيعمل فيك بدع
تشرب بإيدها كاس حنين
شمبانيا للقلب الحزين
ف تنسى دوامة السنين
إللي بتدور بالجدع
أنا قلبي كان زي الجمل
ف العشق صابر واحتمل
ودايما بينبض بالأمل
مع إنه عايش ف الوجع
ف مين فيكوا بعد سنين غياب
للعشق لما تاب رجع ؟؟؟
.
من ديواني #لسة_بحبك
*
*
#مدحت_يوسف
.
11/4/2020