بقلم الشاعر : حسن حلمى
سلام الله
علي روحك
كلنا ولاد البلد دي
وفي عروقنا النيل بيجري
دمنا واحد يا صاحبي
مهما تبعد انت مني
راح نصون ارض البلد دي
مهما خانونا الاعادي
عمرنا ما نخون بلدنا
وانت حارس يا ملاكي
ضحكتك غابت بروحك
لما داوت يوم جروحي
كنت راجل ابن راجل
تفدي روحك قبل روحي
شهم والله من يوم ميلادك
ربي يحميلك ولادك
يحفظو عهدك و وعدك
يرفعو راية بلادك
سلام الله
علي روحك يا نور عيني
شهيد والله
ونشهدلك في يوم ديني
اصيل والله
وربي علي العباد شاهد
يطول العمر
وصورتك بالميدان شاهد
فديت الارض
بضلوعك
حميت العرض
ودا بطوعك
اصيل والله
يارافع راية الامجاد
لنتحامي بحمي ضلك
ونرفع رايه لضلك
ترفرف والعلم عالي
يصون الارض
من بعدك
سلام الله
علي روحك
بقلم الشاعر : حسن حلمى