أربع بنات اعشقتهم
والعشق كان ليه دوي
ومابين ايديه شلتهم
ونزلت وياهم بحر الهوي
لقيتني غريق وحدي
وربع بيوت مترصصه
ع الشط
ًَََََََََََََََََََََالأوله
عشقتني صوره ضلايه
روح تناجي روح
امل بيمشي ويايا
اطير وأحلم إني اضمه
لكن الزمن غدار
غدر بيا وبيها
وساب قلوبنا تنكوي
بالنار
والتانيه دي فلاحه
عينيها جراحه
عشقت حبيبها المحتمل
ماسك قلم ناسي الألم
لكن الامل لما انطوي
أصبح صدي من غير
دوى مات الهوي
جواها
والتالته بتصحي في العصاري
ماسكه عصا سحريه
بتقول ياجنيه
أنا غاويه بنيه
فيها حبيب العين
حصان ابيض وخياله
يطير بيها كما عنتر
ويعشقها كما روميو
مع جوليت
والرابعه بتعشق علمها
فارس يساند حلمها
في عنيه تشوف ملامحها
وحلمها
لمسة ايديه خيالات ملهمه
وانا هنا بكتب قصايد مظلمه