مالك يا دنيا أسية
....................
شكراً يا دنيا عالجمايل الكتير
الحياة أصبحت كما الفوازير
يوم إيدز ويوم كورونا
ويوم انفلونزا الخنازير
شفنا فيكى عجب العجاب
ابن الاصول مات وإنقرض
ظهر الندل التافه والحقير
شكراً يا دنيا عالجمايل الكتير
السيول خربت بيوت
وناس نامت عالحصير
الجوع حاصر النفوس
اللحمة صارت حلم الفقير
سوق النخاسة أتفتح
باعوا فيه العرض والشرف
باعوا فيه حتى الضمير
اللحم الأبيض اصبح رخيص
عالمواقع بدون تشفير
الكلام الحلو مات وراح
وارتفع النواح وصوت الصفير
شكراً يا دنيا عالجمايل الكتير
بخلتى بعطفك وحنيتك
وأظهرتى وجه السعير
ترسلى الكوارث والمصائب
ديماً لينا بدون تحذير
راح من بين أيادينا الأمل
دمرتى النفوس تدمير
شاب شعر الوليد
والكبير أصبح صغير
التوافه صاروا أئمه
حياتهم طبل وتزمير
فيكى ناس الفكر سئ
مكانهم فى إسطبل الحمير
شكراً يا دنيا عالجمايل الكتير
على أللى ظهر وكان مستور
على أللى مات فيه النخوه
بعد ما كان شهم وغيور
ليه يا دنيا العجب
شفنا الغربان ترقص
على جسس النسور
شكراً يا دنيا .. حرقتى قلوب
على أحبه وخلان سكنوا القبور
شكراً يا دنيا عالجمايل الكتير
..........................
بقلم.ابراهيم الحلوانى شوقى
