قالولي انسى اللي كان أيام زمان
قالولي العيله راحت والمكان
حتي القلوب اتحجرت والبيوت اتقفلت من غير ببان
والاخت تاهت عن أخوها والأخ هان
والزكري باتت حبر وورق والورق اتحرق
واللمة راحت والجيران
انا قلت مالكم يابشر
قالو من شكلك عبيط
فاكر في عيله ولسه بيت
لماتشوف الحب قل له راح زمانك وانتهيت
كنت فاكر لسه الحنان
وأنه عايش جوانا انسان
اتاريني باحلم جوا ليلي
ولوحدي عايش ف اللي كان
والحقيقة ان الوشوش
ساكن وراها قلوب وحوش
والغدر بان والدم هان
والبيوت اتقفلت من غير ببان
وقالولي انسى اللي كان
أيام زمان
كلمات سيدحجازي