عمال يحصد فينا
ومش خايف منينا
وقلوبنا شارده حزينه
بيقتلنا ويختفي
اللهو الخفي
لربك يا خلق جنود
حبستنا في البيوت
والكل على أمره مغلوب
وخايف يجيله الموت
ولا لحظه يختشي
اللهو الخفي
بيقولوا عليه جرثوم
وبيسكن في البلعوم
ويتعايش كام يوم
يتكاثر فينا ويفتشي
اللهو الخفي
علاجه شرب الينسون
ميه دافيه وكمون
يا خوانا دا زود الهموم
وارجع لرب الكون
بايده يا خوي تتشفي
اللهو الخفي
اتبعوا يا ناس التعليمات
البسوا بقى الكمامات
وعقموا يا بوي الخلقات
وكمان افرشوا المصليات
وتضرعوا لله بالساعات
بايده قادر يختفي
اللهو الخفي
حبسنا من العصريه
وقعدنا في بوز الوليه
وزاد الفقر فقريه
امتى يا حظر تنتهي
اللهو الخفي
سموه قال كورونا
خايف ابكي يلومونا
وان ضحكت يسجنونا
باذان الفجر ينجلي
رباعيات الدهمان