مهما تعدي الأيام وسنين تروح منا
بحلوها ومرها جوا القلوب قبلة
لما تشتد الأيام عليها
القلب يئذن بنادي الجوانح
بلادى بلادي بلادي
كل اللى فينا يبلي بصلاة
على قلبة حب الله فيها
تروح الروح قبل خطوتنا
تجاهد لرفع رايتها
بكل الدروب وإن شوك بيها
ونبت غريب عن أرضينا
بحاول وياما حاول يخش بأقدامنا
بس ربك هو اللى حافظنا
لا نخاف ولا هانخاف من غيره
ودينه دايما قدام عيونا
وساعة الفجرية ٱياته تنور سكتنا
ودعا يهدي كل حبايبنا
وعلى ترعة وشجرها العالي
بجدوله حافظ كل سكة ليها
وزرعة حلوة من إدين فلاحيها
حكاوي وغناوي حكاية شعب
للصبر وكفاح عمره ماصب
ولا إنحني لريح وكل من هب
إلا لله بسجود وحمد
راسة دايما لفوق للعزة شرق
بنور شمس على كل الأرض
إنا المصري ياأهل الأرض
للخير وحب كل الشعوب
لانعادي ولانرمي فى كل زرع
إلا اللى يفكر يقطع ورقة من زرع
تقوم الدنيا ووحوش تكل من هب ودب
وشهداء بكل شبر منها
زى ماقال الله عنها
ورسل وكل مار بيها
دى كنانته وهو خير حافظ ليها
يارب لك دعائي وكل أهالينا
إشفي كل مريض لينا ومش لينا
برحمتك الولسعة وشفاعة حبيبنا
محمد رسولنا ونور لينا
يارب إهدي كل حبايب لينا
.........من وبقلمي حسام غنيم