غير فى الزمن ملامحه
قتل الأصول بسهام رمحه
غير الفلاح لون قمحه
مفيش حاجه فيه مزبوطه
واختل ميزان العدل
والحق من الساحه بيهرب
رسم البطوله لكل ندل
كافا كل واحد مذنب
محبوب اللى غاوى الفسق
مكروه فيه المؤدب
والكدب باين فى الحروف
والصدق ادوله اجازه
منافق يطبل ع الدفوف
وهو بيشيع جنازه
باع ضميره نكر المعروف
قال ع الجاهله استاذه
الاخ طمع فى حق اخوه
والولد عاصي لأبوه
والفرد عن أهله يتوه
والرحمه دفنوها فى تابوت
والهواء عبوه فى قزازه
والسواريه فى الشارع ظهر
قالوا ده العريان موضه
سي السيد عن زمنه اعتذر
وأمينه لغيابه مبسوطه
زمن كترت فيه الذنوب
مغلوب اللى فيه يتوب
والخيانه لها فراسه
هاجر الحياء والأدب
كل الوشوش صارت خشب
كل الوعود صارت كدب
الخيانه بحاله ممتازه
ربنا من رحمته أنذر
لجل القلوب تتطهر
ونعود لشرعه وحدوده
ويكون لنا بالجنه مفازه
***********
وحيد احمد