-------------------
فى ناس من المصائب تستفيد
الجنيه ع الراس همه له عبيد
ناس صحى فيها الجشع
وناس حريفه فى الطمع
وناس بتكسب من البدع
قالوا الدوا عصير الجريد
وناس تستغل الظروف
يخترعولك كام مبيد
لسه بالدنيا متمسك
مفكرش لله يعود
مش شايفين الموت قريب
وكأنهم ضمنوا الخلود
وناس سقطوا من نظرنا
استخبوا فى البيوت
رفض يشارك فى المحنه
كأنه عن البلد غريب
اللى عملناه بأيدينا سيد
بفلوسنا عايش سعيد
وقت الشده تلاقيه يتقيد
زى الشيطان لحظة سجود
وناس بحياتها بتخاطر
لجل تمنع المخاطر
فى المواجهه تمللى حاضر
والله يفعل مايريد
فى ناس ولاد اصول
فى حب الوطن ابطال
دكتور على سبيل المثال
كان قدره يموت شهيد
*****************
وحيد احمد
وداعا د/احمدالنواح