ياللي عبيرك ورد و فل
عيدك يا اما ده أجمل عيد
فيه الفرح علينا يطل
***
فيه أحلام الكل تزيد
عيدك يا اما ده أجمل عيد
ندعي يا رب يطول عمرك
و نغنيلك أحلى نشيد
***
أمي يا ماما انا خدامك
يا اللي الجنة تحت اقدامك
و انا ان قلت بحبك يا اما
فانت الحب ده كله عشانك
***
يا اللي الصبح بلونك صافي
رافض يبعد عنك يا اما
حتي القلب ف حضنك دافي
دا انا بنساني جوه الضمة
***
ربي يديمك ضي حياتنا
شمعة تشع الحب في بيتنا
و تدفينا و تهنينا
و تجمعنا بكل اخواتنا
***
ع الطبلية أحلي حكاية
رافعه سلام الأسرة لفوق
بتضمينا محبة و راية
ع الخير نتجمع و بشوق
***
يا ما قاسيتي و اتحملتي
دايما قولك كان نبراسك:
"كله يهون فدى بيتي و عيلتي"
حقك عندنا نرفع راسك
***
ماما حبيبتي يا أمي الغالية
انت حياتي و كل الدنيا
مهما ان قلت و عدت فحبك
هو المالي علينا الدنيا
***
بندعي يا رب تخليكي لينا
ياللي اخترتي بذوق أسامينا
أفرح دايما لما تقولي:
ربي معاكي يا غاليه يا (دينا)
***
عيدك يا اما ده أجمل عيد
فيه الحب في قلبي يزيد
ربي يبارك فيكي و يجعل
قلبك مسرور قوي و سعيد.
ـــــــــــ
عيدك يا اما ده أجمل عيد
عيدك يا اما ده أجمل عيد
بقلم ///دينا عثمان