ماتقوليش يوم انك حبيتي
او اشتاقتي لهوايا لحضني جريتي
انتي لقيتي دميه جديده
وفرحتي بيها
لعبتي هزرتي ويا راحه لطبطبتي
ولما قدمت كسرتيها
لو حبيتي كان غيابي معاكي فرق
النبض فيكي وجواكي كان اتحرق
كانت مشاعرك بانتفاضه اوحتي كنتي رنيتي
ماتقوليش يوم انك حبيتي
غيابي كان بالونة اختبار
فهمت مين السند ومين مزيف وانهار
مين هيطبطب بضحكه
او حتي يواسي بدمعه
في موال
ومين هيستخسر حتي سؤال
واتاري فكري كان صح
وعلي بر غيري هالاقيكي رسيتي
فما تقوليش انك حبيتي
لا جاي الوم ولا هيكون بينا عتاب
انا بس وياقلبي جاي اصفي حساب
وباقوله
لو ضاقت جوايا عليك المطارح
خربشتك الضلوع والتفكير ليك جارح
باتمني ليا تفارق وخد وياك كمان الروح
ماليش فيكم غير ضمير المتكلم
ويا الزمن متفقين
راسمين سوا الاحلام
وسايبن الجراح فيا تعلم
بتسمعوا صرختي ضحكه
وزي الايام والشهور
اديتوا لفرحتي ضهركم
وفتوني لواحدي اتالم
تسلم الشده اللي بتبين
علي مين غالي وعلي مين هين
في النهايه نزلي قناع الهوي
مش هنكون تاني سوا
ده اللي بان غير اللي خبيتي
عشان خاطري ماتقوليش تاني حبيتي