شعر/سعاد سعد
صبح الصباح
يا شمس فاتحة لنا
ست الملاح
نيلها من الجنة
صبح الصباح
علي نقطة م الجنه
راح العزول
جاه نقطة ولا جالنا
من نور ضياكى
طل القمر غنى
ينول رضاكى
يحج ف الجنة
على المعايش
ربنا يعنا
روح يا عزول
حل وروح عنا
ربك حاميها
جندنا منا
عبير دماهم
مسك على حنة
راح اللى راح
للجاى الف دليل
يشفى الجراح
وتفتح الزغاليل
قلبك صباح
يتوضى منه الليل
حيي الفلاح
ينفك كل عسير
شدى طرف توبنا
يا شمس ليه مروحة
دفى قلوبنا
حياتنا ليه مروحة
فكى الضفاير
ياشمس يا موردا
ارمي الجباير
املى البراح والفضا
لمى الضفاير
رقصى المواويل
الظلم جاير
هدى كل عسير
الله اكبر
شقت السنه
سبح وكبر
واللى جاى منة