====
ياأرض الطيبه يابلادي
شبابى ورحلتى وزادى
يانهر النيل فايتنا لمين
ومين راح يرعى أولادى
ومين راح يقطف الياسمين
ومين ع التوته هينادى
ومين راح يروى قلتنا
ومين للورده هيدادى
ماهو انت شهدنا الراوى
وراوى أصل أجدادى
وانت قلة العطشان
وانت نبعنا الهادى
وانت ملهم الفنان
وإنت البلبل الشادى
وإنت جناين التفاح
ربيع أخضر على الوادى
وانت الضى والأفراح
شموسك تحيى أمجادى
=====
بقلمى سامح توكل ابوالسبح