ـــــــــــــــــــــــــــــــــــــــــ
شعر/ دينا محمود عثمان
ـــــــــــــــــــــــــــــــــــــــــ
ياريتني في مرة اكون نفسي
وابطل مرة اكون غيري
وأتذكر وأتنكر
بتوب الطفلة مش أكتررر
يخدني البعد للأحباب
يخدني الشوق لحد الباب
أروح ببراءة أتكلم
وأتهمس وأتامل
في وش حبايبي واخواتي
وأنسي في يومي أاااهاتي
***
ياريتني في مرة اكون نفسي
وابطل مرة اكون غيري
واشكي للهوي واحكي
آهات ليلي وموااااا ويلي
واعبر لو بكام كلمة
تداويني
فتحيي نبتتي الخضرا
و ترويلي
أمل بكره
برغم البعد بتجيلي
ترسيني علي مينا
تطمني وتهديني
تخليني أكون
دينا.
تخليني أكون
دينا.
بقلم المتميزة / دينا عثمان