شعر /سعاد سعد
يا مغنواتى قول
انا قلبى ما بيدى
حكايتى ع الارغول
طار حلمى من يدى
جمل المحامل برك
فاتنى القمر ولا جاش
غرقان فى قعر البرك
العمر راح ما نجاش
جمل المحامل راح
العمر راح ولى
غيطان همومنا براح
يا فرحنا طله
ببكى على علتى
صابر جمل حمال
يا مين يشيل بلوتى
لا عم عاد ولا خال
زارعين يا ناس الصبر
وغيرنا زارع شوك
ومنين نجيب الصبر
على اللى راحوا فتوك
تاهت دروبنا زمان
الراحة ما دمتشى
متشعبطين ف أمان
ده صنف مالقتشى
جمل المحامل بكى
من حمل حملينه
قاضى الغرام اشتكى
م الحب وسنينه
صابر على بلواي
طار طيرنا م البنه
يا فرح يانساى
قعد العزول بينا
جمل المحامل عيد
أنا الحبيب والضنى
أمتى يهل العيد
تضحك سنين الضنى