إتأسفوا
إتاسفوا للحب وللصداقه
لو رصيدكم يوم مكفاش
ومشاعركم عجزت دخلت الانعاش
واتكفنت عواطفكم بتوب الضلوع
اتاسفوا لو اتنسلت حبال الود
وغرقت مراكبكم مسعفتهاش القلوع
اتاسفوا انكم ما لنتوش
وقت ماجمدت الاعصاب
يوم ما قسيتوا بصيتوا باستهزاء
ونظرة استغراب
علي لحظه هتتمنوها ما تلاقوهاش
اتاسفوا قبل فوات الاوان
وقطر العمر يجري وحياتكم قضبان
هتندموا انكم ما اتمسكتوش ببعض
ماغفرتوش لبعض دخلتم بينكم بعد
والاحساس مابينكم تطلعوه معاش
الدنيا لحظه ومعديه ضموا بعض بحنيه
بدل ما تحكموا وتعقدوا الخيه
ليه ليه لافين طوق القسيه حوالين الرقاب
شادين من غير فكر ولاحساب
انتم ضحية العناد والحب لسه ما انتهاش
ماتكونوش في علاقاتكم زي الديوك
نافشين الريش والود بينكم متروك
طبطبوا عالروح عالجوا الجروح
ده العفو والصفح في الشرع مسموح
بلاش نجمد قلوبنا ونرجع نصرخ اتعذبنا
بلاش كبر بلاش عند بلاش بلاش
