عاشق رغم اني حالف
أتوب عن الهوي وسنينه
شوفتك لقيتني خايف
أفارق قلبك أودع وتينه
توهت في عنين
نسيتني الأنين
حبيت فيهم الحنين
لقيت ملامح غير البشر
بنورهم انسحر القمر
اه من خدود بساتين
في ورودهم يطول النظر
وشفايف رقيقه بريئه
من كاسهم القلب سكر
بلاش تلومي يلا قومي
نناجي القدر
نتلاقي بسكته
نسكته
يا احلي من القمر
ياغصن طارح حب وحنان
هزيت عودك نزلي رطبك
لنظرتك عطشان
وماتنسيش رويتك عشق واهتمام
ف يوم حصادك ما الاقيش قلبك بخلان
زكاة هواك فرض
اتصدقي بطله
اتبرعي ببسمه
لسائل عاشق
ومالكيش حق الرفض
ولا تسيبي قلبي وحيد بالسهر
بلاش تلومي يلا قومي
نناجي القدر
نتلاقي بسكته
ونسكته
يا احلي من القمر(زكاة هواكي) قصيدة بقلم الشاعر/محمد أحمد مندور