غابت
غابت حبيبتي بقالها مده
والنجمه اللي مصحباني في ليل الوحده
علي هجرها وقسوتها شاهده
صوتها ساكن جوايا
والدنيا من غيرها في عيني رتوش
غابت ولسه باشوفها في كل الوشوش
زرعه كانت في بستان اشواقي
رويتها عشق لاجل ماتطرح غصن التلاقي
راحت وسابتلي ذكري بليله
ويا صوره عالنني سانده
غابت ومعاها سنين من حياتي
رسمتلي البعد كفن. بتجهز لمماتي
تركتني في غيبوبة حنين
عيل في الهوي يتيم مسكين
حد يقولها اني لسه بحبها
وناجوا كمان قلبها
قولولها كفايه غربه كفايه مناهده
وياها كنت حابب الوجع لما عنه تحكي
رغم كرهي للي بيوجعها ومنه بتشكي
كنت اتحجج واتلكك باي كلام
ساعات اصبح علي عيونها قبل ما انام
المهم اني الاقيها باي وقت ومكان
بس راح ويا غيابها الامل
وصبح كله كان
اتعقد اللسان بعدها في بعدها
عاش القلب في عقده
تركت لي فكر بيحبي تاتا تاتا
وقلب من نبضه اتجرد وبعندها شايفه الامور ببساطه
دقاتي في سكون سحبتها خليتها عالبلاطه
حتي العقل متلخبط مبقاش عارف
غايبه بقالها كام
ساعتين ولا تلاته
وجوه العين الف دمعه جاحده جامده
والسبب ان حبيبتي غايبه بقالها مده
