لو بعدتيني هاضمك واقرب ليكي
بزياده
أصلك حته مني وتملي سر السعاده
البعد في قاموسي يعني الاحتضان
احضنك اعصرك جوه الروح والكيان
أشيلك من عين واسكنك التانيه
عشان لو غمضت ماتغيبيش ثانيه
ولو افترقنا يناديكي قلبي كالعاده
تعرفي يعني إيه غيابي
يعني في صباحك ومساكي أمضي حضور وانصراف
إن عيوني قدام الكل تبوسك ولا لحظه أخاف
اصل ملامحك شداني واحشاني
جابت عيني لمس اكتاف
الوداع يعني احتلالي لنبضك هو العدل والانصاف
انك تسندي تتعكزي تطمني وتلاقي مشاعري كافيه وسداده
الفرقه الغياب الوداع البعاد بلغتي
يزودوني قرب وفي هواكي عناد
ماهو بينا حبل سري نسوا يفصلوه. يوم الميلاد
هواكي جنين بيتكون جوايا واهتمامي كان ليه حليب وزاد
قسوتي عليكي كانت ضمة روح لروح
وحنيني لوجعك كان الوساده
الهجر إني الف الكون وتكوني توأمي
أمانيكي تتحقق حتي كمان قبل ماتحلمي
وأغمض عيني عنهم وأشوفك واحدك كافيه لغرامي
انتي النبض يابت وليكي دقاتي عليها سلمي
سكنك بالوريد وبتجري بشرايين لوصالك وداده
لوبعدتيني هتلاقيني بأضمك وأحضنك بزياده