انا جوز الست واقولها براحتى وسط ألوف
انا جوز الست وأحب صراحتي ومش مكسوف
جوز الست اللي الست شايلاه دايما جوه عينيها
اصل رجولته مش سي السيد ولا شنبات يبرم فيها
ده اللي كاسيها وبيسقيها ووقت الشدة قاعد جنبيها
عمر كلام الناس مايهمه عايش بس علشان يرضيها
جوز الست اللي لا يضرب و لابيزعق ولا بيعلي صوته كمان
هو السند هو الولد هو الاب ووقت الخوف يبقي أمان
عارف إنها ضلع اعوج وقت الطيش يتعامل هو بإحسان
جوز الست باشا وبيه بعد الشغل يرجع بيته علشان بيته مشتاق ليه
عمره ماقال البيت ده مطعم ولا لوكانده ولا سرير ويا مخده
طول عمره يقول البيت هو الراحة ويا الألفة ويا مودة
جوز الست عمره ماخان ولابيخون ولا بيشكك
عمره ماكان وقت الازمة رايح جاي عمال يتلكك
جوز الست مش حبوب ويا الأغراب ولا رومانسي بكل جدارة
وويا الست تبقي الكلمة كده بالتيلة وطالعة كمان بالقطارة
جوز الست صياد شاطر عارف إن الست دى سمكة وهو في إيده السنارة
جوز الست عارف إن الست دى زرع
هو بيسقي وهو بيروى وكمان يتعامل بالشرع
مهما يطبطبب ولا يراضي ولا يصالح أو يتحيل
جوز الست في نظر الشرع هو الراجل
عمره ماكان في نظر الشرع إنه قليل
أيوة انا جوز الست
كلماتى أحمد سنجر