رسمتيلي الجنه
اتمنتها طول الحياه
ضميتي القلب لقيتك
سحبتي الروح وياه
أتاريكي كنتي كمين
مخبيه الأه والأنين
رميتي الشوق بسناره
غمزت شديتي بمهاره
ابتسامتك كانت الطعم
والمرار وراها طعم
وجوه الحلق عايش بهواه
شبكتي القلب والعين
اتسربتي جوايا بلمسة ايدين
فرشتك كانت بين الضلوع
والنتيجه إيه غير بحر دموع
غرق فيه الجسم لمنتهاه
الحضن اللي ساعك
وطول الوقت ملكك بتاعك
ضمتيه بخناجر حنانك وغل اوجاعك
قربتي ورميتي بطول دراعك
كل اللي قلب بهواكي اتمناه
المشاعر بسهوله عليكي هانت
والنيه جواكي اهي خلاص بانت
جايه تخلصي فيا تارك
همسك جمر باقي من نارك
غذاكي سم بليلك ونهارك
دفاكي حريق والغدر دارك
حنينك وجع والالم في حشاه
قربك يعني موت وانتحار
شروق شمسك مش للنهار
بتشرقي من جوف بركان
غاوي دمار
قمر ليلك وسكونه مكيدة اعصار
وزوابع لنزيف العمر ياولداه
أسلم حل ليكي
زي الخيل بالساقيه
عني خبي عنيكي
ابدا بعدك رحلتي الباقيه
اداوي اللي فاضل من القلب
من جرحك ولقاه