وبقينا بنلاقي الامان بين القبور
وجوه عتمتها باصص لينا النور
بنداري جوه هدوءها ونخبي وجع الشهور
ليه وصلنا كده فاقدين الحس والشعور
وبين الاموات بنلاقي حياه
لقلوب من الاحياء قالت ألف أه وأه
ماشين عالارض جثامين يا ولداه
واللي راقد بين التراب بنناجي هواه
وبنستني كل لحظه ونشوف لمين جاي الدور
بقينا نستخسر في بعض الاحساس
قلوب حجر والاسم بشر وناس
القسوه نبضها والغدر يملأ مليون كراس
اخوات وحبايب بالاسم والنكران الاساس
والوجع من القريب كان نزيف الحبر عالسطور
وبقينا نرتاح ونلاقي الحياه بين القبور