اخر مشهد ف السيما
فلم وبيحكي روايه حزينه
والقصه بتتلخص
ف قلوب مكنوش لينا
الكل فرحان وبيضحك في الصوره
وانتى الوحيده ف وسط الزحمه
تايه ومكسوره عيونك دبلانه
مش هاين عليكي الفرحه
دموعك واقفه محبوسه
خايفه لحد يسألك مالك
فتنزل دموعك توجعك
وكأنها نار ماحد يقدر يطفيها
فتكابري غصب عنك
وتضحكي ضحكه حزينه
تمام بالظبط
زي الضحكه اللي ضحكتيها
اخر مشهد ف السيما
لقطه الفرحه وكتب الكتاب
وتسرحي بخيالك وكأنك مكانها
والحلم اللي حلمتيه زمان معاه
هو اكيد نسيه لما انتي ودعتيه
تصحى من خيالك تايهه
و كبريائك معاندك كأنه مش منك
وتقولي خلاص يومين وهنسي
فتيجى خلاص تاخدي القرار تمشي
تلاقي قلبك بيعاندك ويقولك
أمانه عليكي استنى بس اشوفه لآخر مره
فتستخبي زي اللي عامله عمله
ومن بعيد تلقى آخر نظره وتمشي
يمشي معاكي عقلك وروحك وجسمك
الا قلبك رافض يمشي
وحته منه مش معاه
فهتنزل الستاره
ويخلص اخر مشهد ف الروايه
بس هتفضل مكمله معاكي الحكايه
حتى بعد مايخلص اخر مشهد ف السيما
#المشهد_الاخير
#الشاعر_عابدين_ابوالخير
الف شكر لكل القائمين على المجله
ردحذف