*************
كلمات/علاء أحمد عبدالنبي
***************
أيوة أنا هبكي واندم واحزن
لكن مش هموت....
زي ما وقت الفرح بعدي
وقت الحزن بفوت....
...والأيام بتنسي...
الأيام بتنسي حقيقي..
الأيام بتنسي بجد...
مهما يكون جرحك فى طريقي..
هزرع زرع ويطرح ورد...
وإن كان بعدك هيبكيني..
ورجوعك ليا هيحييني...
يبقى خلاص إخترت البعد...
والأيام قادرة تنسيني....
إوعا تفكر جرحك ليا
هيفضل جوا القلب معلم...
دا زي ما عدا نهار لياليا
بكرة يعدي الليل وأتكلم...
وأتحرر بقى من أحزاني...
وأرجع تاني أحب زماني..
ولا عشان كان شوقي غالبني..
يبقى عذابك مش هيسبني..
مش عايزة حاجة تفكرني...
ولا عايزة حاجة تصبرني...
وإن كان بعدك هيبكيني..
ورجوعك ليا هيحييني...
يبقى خلاص إخترت البعد...
والأيام قادرة تنسيني....
إوعا تفكر إن أنا هندم
وأفضل طول العمر أشتاقلك....
لو فكرت فى لحظة إن أندم
هندم على إن أنا صدقتك ...
وإن بقى على حلم زمان...
إنت هدمته بكل حنان....
ولا عشان حبيتك يعني...
لازم تبعد وتودعني...
لاء دا جروحي بكرة تطيب..
من دوا ولا أي طبيب...
وإن كان بعدك هيبكيني..
ورجوعك ليا هيحييني..
يبقى خلاص إخترت البعد..
والأيام قادرة تنسيني..
الأيام بتنسي حقيقي..
الأيام بتنسي بجد...
مهما يكون جرحك فى طريقي..
هزرع زرع ويطرح ورد