ساعات السكوت بيغني
عن الكتير من الكلام
نهدي السلام للناس
يردوا علينا بالملام
يعني السكوت أفضل
من حديث اللئام
ليه الدنيا كده ؟
مخاصماها روح الأمان
وفيها اللي بيتعالى
على غيره بكام فدان
واللا الفلوس اللي ورثها
من غير ما يكون عرقان
لا تعب فيها أصلا
وجاتله ع.العنوان
أهي دنيا ياما بتدي
وبتاخد من الشقيان
حقيقي مفيش مساواه
فيه الغني وفيه الغلبان
مفيش مكان ف.الدنيا
إلا وفيه خللان
لأن كلمة الحب
هربت من الإنسان
بس التساوي الصحيح
موجود في.الإسلام
فلا فضل لعربي
على أعجمي ولو متهان
إلا بالعمل الخير
والصلاح ونور الإيمان ...
أسامه عبد القادر أحمد