بقلم...مرقص إقلاديوس
...
الحب عمره ما كان حكاية
و لا كان موال.
الحب مش غنوة تتغنى
و لا كلمة تنقال.
الحب لمسة حنان.
الحب لحظة أمان.
الحب نية صافية،
و بسمة دافية،
تفجر فى القلوب بركان.
يبتدى حلم جميل
فى ليلة صيف.
ينادى فيه
قلب وحيد
فى ضى القمر طيف.
لسه ما بانلوش
فى الحقيقة
شبيه إنسان.
الحب
يجمع بين القلوب
من غير سبب مفهوم.
فى أى زمان.
فى أى مكان.
الحب ما لوش عنوان.
و فجأة يتجسد الحلم
و يبقى حقيقة.
و يتجمع فرح العمر فى دقيقة.
و تمتد ثانية اللقا أزمان.
بس الحب
بذرة ضعيفة ترويها المودة.
يوم عن يوم يكبر
حبة بحبة.
و فى يوم تبقى الحبة شجرة.
لكن حذارى
حذارى يا جدعان.
تصدقوا الخوانين
اللى بيخونوا حبايبهم.
و يقولولكم
إن طبع البشر خوان.
ملاح بحور الحكمة
مرقص اقلاديوس