الظلم كتير ف الدنيا
والرغي أكتر بكتير فيه ناس عيشاها تجود
وناس شايلين الطين ..
امور الدنيا تضحك
وتبكي المجانين
اللي طلقوا الدنيا
وسابوها للعاقلين
بشوف المجانين
بستغرب
لسانهم فصيح وحزين
اقرب منهم استفهم
يقولولي الناس وحشين
يادنيا ظلمتي العاقل
وقلتي فيه تأويل
وهو عنصر صالح
وحد مخلص وأمين
يادنيا الرحمة شوية
بلاها من اسافين
خلي الغلابة تتحرك
براحتها ليوم الدين
يادنيا قولي لحبيبك
ارحمونا من التلسين
العاقل شق هدومة
منهم ومن الفجرين
مجانين عاقلين ف
المشفى
تشوفهم تبكى سنين
وتلعن كل الدنيا
وتلعن كل الظالمين
الظلم نهايته أليمة
وذنبة كبير وعقيم
ياسلام عليك يادنيا
خليتي الطبل تلحين
وعرفتة الناس المُلعب
بأتقان بدون تعليم
باعوا الحبايب ف الزحمة
ليعيشوا عيشه السلاطين
دول داسوا على الكل
يادنيا
وطحنوهم طحن أليم
وقالوا عنهم حثالة
وشوية مجاذيب مجانين
الزمن بقا حالة ملغبط
من الكدب والتلوين
لا حد بيرحم غيرة
ولا شايف كدة بعنين
الكل بيقول يا نفسي
وماشي بقناع واتنين
وناسي الآخرة ...
يادنيا
وناسي الكرب العظيم
لله الأمر ........ يادنيا
لروح أعاشر المجانين
يمكن اطلع بنصيحة
تنفعني يوم الدين .......
.....................................................
بقلمي / جمال حلمي
.......................................................
............. الظلم كتير في الدنيا ..............