هات اللي عندك يا زمن صبرى رسلان

هات اللي عندك يا زمن
.................................
هات اللي عندك يا زمن ...
راح فين أمانك
بقى يوم ما تصفا
وهبتسم ...
تقفل لي بابك
عايش بدووور
عاللي راح قابض حسابك
واخد مقدم عمر راح
ضحيه منابك ...
نص ألم ودموع
والباقي بال موجوع
شفت الضنى والجوع
ولا فيش طريق له رجوع
تكتب في 100 موضوع
ولا حرف ليا ..
كل الورق وياك
وأنا فين نصيبي معاك
لا صحه يوم بتدوم
لو حظي ده المقسوم
راضي وبستناك
فيه فرحه جايا
كان حلمي أعيش مرتاح
وفى دنيا تانيه ...
يرويني طعم الهنا
والصحه دايمه ..
لا حزن يشغل بال
وأنسى الوجع لو مال
شاكر بحمد الحال
أعظم هديه ..
هات اللي عندك يا زمن
كام باقي ليا
لا عاد في طعم أبتسم
والفرحه غااااااايبه
عمري اللي ضاع يتحسب
ودفاتري داااااااااايبه ..
بقلم .. صبري رسلان

٤