شنطه سفر
رصيت سنيني من الوجع فيها
حبه حاجات انا عيشتها وفرحتها وحلمتها
دلوقتي حلمي أخبيها
روحي اللي فيكي اتفرغت من كل حاجه تحن
قلبي اللي صار عاجز عن حتي انه يئن
جمعت كل الذكريات كل الذنوب
لو حتي ذنبي اللي اتغفر
حلم عاش جوانا يكبر فجأه بشروخه انكسر
كل حلم حلمته ليكي جرح رافض يندمل
كل الحاجات اللي انتهت من قبل حتي ما تكتمل
كملتهم واترتبوا ف شنطه سفر
فيها فرحه طفل طاير
ويا اول نظره منك لما غنت وقتها كل الحاجات
شمس غنت ليل بيعزف جوا مني اتجمعت كل النايات
فيها قلب في عز حلمه يعيشه حلمك
فجأه مات
فيها عجزي وكل شعر نزفته أيام من وجع
كل شعر ف اصله شاعر حب جدا واتوجع
جمعت فيها كل حبات المطر
اصحابي في حضن الشتا
كل الهموم كل السنين اتجمعت متشتته
جمعت وحده علي انكسار
علي عشق عشش واتحفر
ورميتها في شنطه سفر
لو فاكره اني هعيش عشانك
انتي من دون البشر
الذنب من توبه اتخلق
الذنب بالتوبه اتغفر
\
