اظهر وبان
حابس كابس
عارفك من افعال الجان
تظهر عريان
تظهرلاابس
قفلتلك كل الببان
والمستكه والمسك جبتو
ايوة البخور هيكون عيدان
ولبان دكر والكحل الاسود
مطحونين ف البطرمان
يلا اظهر ليا بان
بتقول لسه حجات كمان
شعرة فرص ويكون وحيد
وعضمه ولد من كف ايد
ودموع بحرقه
لزوجه لسه مطلقه
في كوبايه صيني
وجوه منها المعلقه
وحبهان
وشطه جايه من السودان
بطرحه عروسه لسه بكر مغربله
طيب خلاص
اياك تزيد
اياك تقول ف حجات كمان
وتقولي نبدأ من جديد
اخر طلب
اخر ماقال
عاوز دقيق خالي النخال
وولد يتيم
ولالهش عم وحتي خال
تكنش عفريت م الشوارع
وف الكدب
انت ضليع وبارع
اظهر بقي
اطلع اطلع اطلع
طيب ما نيش طااااااالع
كلمااااات
الشاعرالباكي محمودجلال