نتصالح مع أعدأنا عشان ربنا يقبل أعمالنا.
حتى لو مظلومين يبقى إحنا اللى بدأنا.
ونطهر قلوبنا وهانشوف كل شئ قدامنا.
ورد فعل غيرنا وهانحس بالراحه والايمان يملا قلوبنا.
وهاتيتغير حياتنا وبلاش نخلى الشيطان يسيطر ع عقولنا.
ونخالف بعض لمجرد كلمه طلعت غصب عنا.
بس نبعد الحريم عن طريقنا لأنها الدافع ف بعدنا وفراقنا.
الا اذا كانت صاحبة حكمه ومقدره تعبنا وعشرتنا.
وننسى أى شئ كان سبب ف خصامنا ونزول دموعنا.
نوحد أفكارنا ونفتح صفحه جديده تناسبنا .
وتكون الدافع لتحقيق أحلامنا ترضى ربنا وتحسن أوضاعنا.
ونحل بنفسنا مشاكلنا ونهدى من أعصابنا وتصرفاتنا.
ومحدش يدخل مابينا لاغريب ولا واحده تيتعبنا.
دا احنا اهل وأصحاب عشره والدم يربطنا .
ليه الظلم والقسوه ونخلى الشر مصاحبنا.
كل شئ بالعقل والحكمه زى ما ربنا امرنا والرسول بلغنا.
مش عشان رغبتنا نضحى بأعز واغلى شئ بالنسبالنا.
وننسى الدم والعشره لمجرد مشكله مش تستاهل فراقنا.
ونعلى صوتنا والكل يتفرج علينا وكل واحد بكلمه تكون سبب ف جراحنا.
ياريت بقى نصحى ونحسن من أخلاقنا وننسى اى شئ كان سبب ف فراقنا...
يارب سامحنا احنا خلاص اتصالحنا وكلنا امل ف انك تنور سكتنا.
وتجمعنا وتنزع الكره من داخل صدورنا وتحقق احلامنا وتنصرنا
وتخلى الحب من تانى يجمعنا...
الشاعر طاهرمختار
شاعرالعصر..تحيا مصر
طنطا.كفرالزيات..اكوه الحصه