الطريق
الزمن بيجري
وكل حاجه اتغيرت
الصغير كبر
والكبير دبل
وناصية الشارع إياه
مبقتش ناصيه
اتبنى فيها بيت بالعافيه
ولقا الأحباب
بقى عذاب
أصل الساعات اتبخرت
والبركه فيها اترحلت
لاوقت فيها للحبايب
والحب نفسه صابه الوجع
بيطلب وساطه ترجعه
بس اللي راح عمره مايرجع
ولا عمر الحياه جابت ورا
واللي يفكر يتعدل
تعوجه مهما جرى
فين الصلابه والتحدي ؟
مع الأيام بقت لاتجدي
من هنا أصبح طريق الصالحين
هوه الأمان للسالكين ...
أسامه عبد القادر أحمد
ليست هناك تعليقات:
إرسال تعليق