قلب داكن
كان كلامي ليكي عقيم
لما ما لقاڜ منك جواب
عاش الحرف جمبك يتيم
وقت ما اتقفل بوشه الباب
تاهت وياكي كل حاجه
ياللي رسمت سكنك بالسحاب
غنيت بعلو الصوت الساكن
صميتي قلبك ابو لون داكن
في أشعاري كنتي الفكرة
جعلت من هوايا لعمرك بذره
سقيتك من ابياتي واستطعمتي
الشراب
حتي لمعة عيونك كانت من الواني
فاكرة وقت غيابي ودمعك يترجاني
يا ما حلفتي وغزلتي كتير اماني
وانك ليا ونبضك جواكي عشاني
اتاري كلامك مخطوط علي وش الميه
وللعطشان في هواكي سراب
كل حكاويكي كانت بلاويكي
واول ما سهمك اتسن علي
اللي اويكي
غاويه الغدر والحب لعبتك
طعنتك متفصله والزيف غاويكي
حتي في لقاكي ما بالاقكي
ماهي تايهه كل غناويكي
وكمان همسك راسم دربه
وناشذ عن كل كتاب
ضحكتك بطعم الاسي كانت
وعنيكي من الدمع دابت
لم جيتك نبت جواك كل اللي مات
وكانت غلطتي لقلبك اديت قبل مايقول هات
بقا فرض فيضاني طول العام
والعطا يكون بدون حساب
كبرت جواكي الانا
ولمااتمكنت كان الضحيه انا
مبروك عليكي الابداع
وفي الخيانه الف كاس وكمان في الخداع
تهانينا علي جمعك كل الالقاب
ليست هناك تعليقات:
إرسال تعليق