مش بالبدل ................. للشاعر / وائل سعيد
مش بالبدل والقميص
أو جلابية
ولا بالجتت
واجساد قوية ومفترية
دى بالنفوس
الطاهرة هى والزكية
وساعات تكون
نفوس لئيمة ومدارية
ربك
هو اللي عالم بالقضية
بالنوايا
كل حاجة تبقى هى
والنواتج
مش شرط تبقى للأفضلية
ياما بدلة شالت
نفاية ومش سويه
وتحت رقعة
هامة جوة الجلابية
وياما جته ليها هيبه
ولما ينطق يكون هفية
ووسط تراب
شوارعنا يامه
تلاقى حكيم بميت بلية
الجتت قالب
والوشوش بروايزها هيه
واروحنا هالة
تقول رسالة
مفادها أنا لب القضية
....... وائل سعيد......